​​​

 

ვისთვის არის პროგრამა?

​

პროგრამა განკუთვნილია მათთვის, ვისაც სურს პროექტების მართვის სისტემური ცოდნის მიღება და რეალურ სამუშაო სიტუაციებში მისი გამოყენებისთვის უკეთ მომზადება. პროექტის მენეჯერის პოზიციაზე მუშაობის წინასწარი გამოცდილება აუცილებელი არ არის.

​​

პროგრამა გამოგადგება, თუ:

• გეგმავ პროექტის მენეჯერის პოზიციაზე გადასვლას;

• უკვე მართავ პროექტს ან პროექტის ნაწილს და გინდა ცოდნის სტრუქტურირება;

• შენს სამუშაოში უფრო მეტ პროექტის პასუხისმგებლობას იღებ;

• ხარ სპეციალისტი ან გუნდის წევრი და გინდა პროექტის მთლიანად მართვისთვის საჭირო ცოდნის განვითარება;

• პროექტის მართვის ცალკეულ ინსტრუმენტებს იცნობ, მაგრამ გინდა დაინახო, როგორ უკავშირდება ისინი ერთმანეთს პროექტის მთლიან ციკლში.

​​

​

პროგრამის მეთოდოლოგიური საფუძველი

​

პროგრამის შინაარსი შემუშავებულია PMI-ის პროექტების მართვის სტანდარტებისა და PMBOK® Guide – Eighth Edition-ის გათვალისწინებით.

​​

რას ისწავლი?

​

პროგრამის დასრულების შემდეგ გეცოდინება, როგორ:

• დაიწყო და სწორად ჩამოაყალიბო პროექტი;

• დაუკავშირო პროექტი ორგანიზაციის მიზნებს;

• განსაზღვრო პროექტის მიზანი, შედეგები და წარმატების კრიტერიუმები;

• მართო მოთხოვნები და პროექტის შინაარსი;

• დაგეგმო სამუშაოები, დამოკიდებულებები და ვადები;

• დაგეგმო და მართო რესურსები;

• შეადგინო და აკონტროლო პროექტის ბიუჯეტი;

• გამოავლინო, შეაფასო და მართო რისკები;

• განსაზღვრო და აკონტროლო ხარისხი;

• მართო შესყიდვები და მომწოდებლები;

• მართო დაინტერესებული მხარეები და პროექტის კომუნიკაცია;

• აკონტროლო პროექტის შესრულება და დროულად გამოავლინო გადახრები;

• შეაფასო ცვლილებების გავლენა და მართო ცვლილებები;

• გამოიყენო Agile (Scrum) მიდგომა შესაბამის პროექტის გარემოში;

• დააბალანსო პროექტის სხვადასხვა შეზღუდვა და შეაფასო შესაძლო მოქმედებები რთულ სიტუაციებში;

• სწორად დაასრულო პროექტი და შეაფასო მიღებული შედეგი.

​

​

პროგრამის პრაქტიკული მიდგომა

​

პროგრამის განმავლობაში მონაწილეები იმუშავებენ ერთ სიმულირებულ პროექტზე, რომელიც სესიიდან სესიამდე განვითარდება.

​

ისინი შექმნიან პროექტის ძირითად სამუშაო დოკუმენტებს, შეხვდებიან ცვლილებებსა და შეზღუდვებს და მიიღებენ გადაწყვეტილებებს, რომლებიც გავლენას მოახდენს პროექტის შემდგომ განვითარებაზე.

​

მონაწილეები არა მხოლოდ ისწავლიან პროექტის მართვის ინსტრუმენტებს, არამედ პრაქტიკაში გამოცდიან გადაწყვეტილების მიღებას, შედეგების შეფასებას და საჭიროების შემთხვევაში მოქმედების კორექტირებას.

​

ყოველ ეტაპზე მიიღებენ უკუკავშირს შესრულებულ სამუშაოზე, მიღებულ გადაწყვეტილებებსა და არჩეულ მიდგომაზე.

​

​

AI ინსტრუმენტები პრაქტიკულ სამუშაოში

​

AI პროგრამაში ცალკე თეორიული თემა არ არის.

​

მის გამოყენებას ისწავლი უშუალოდ პროექტის მართვის სამუშაო პროცესში იქ, სადაც მას შეუძლია ინფორმაციის დამუშავება, სამუშაოს დაჩქარება და პროექტის დოკუმენტების მომზადების მხარდაჭერა.

​

​​ამავე დროს, პროგრამაში ყურადღება ექცევა AI-ის შედეგების შეფასებასაც, რას შეიძლება დაეყრდნო, რა უნდა გადაამოწმო და სად არის საჭირო პროექტის მენეჯერის პროფესიული შეფასება.

​

​

სერტიფიკატი

​

პროგრამის დასრულების შემდეგ მონაწილეები მიიღებენ KN Institute for Leadership & Resilience-ის სერტიფიკატს.

​

​​

პროგრამის სილაბუსი

​

სესია 1 — როგორ დავიწყოთ პროექტი სწორად?

• რა არის პროექტი და როგორ ქმნის ღირებულებას

• პროექტის კავშირი ორგანიზაციის მიზნებთან და სტრატეგიასთან

• პროექტის მართვის ძირითადი მიდგომები: Predictive, Agile და Hybrid

• პროექტის მართვის მიდგომის შერჩევა და პროექტის კონტექსტზე მორგება

• პროექტის შიდა და გარე გარემო

• პროექტის ძირითადი როლები და პასუხისმგებლობები

• პროექტის მართვის სტრუქტურა და გადაწყვეტილების უფლებამოსილებები

​პრაქტიკული სამუშაო: სიმულირებული პროექტის საწყისი მოცემულობისა და გარემოს ანალიზი — რა ვიცით, რა ინფორმაცია გვაკლია და რა უნდა გავარკვიოთ პროექტის დაგეგმვის დაწყებამდე.

​

სესია 2 — როგორ ჩამოვაყალიბოთ პროექტის მიზანი და საფუძველი?

• პროექტის საჭიროების განსაზღვრა

• პროექტის მიზნის ჩამოყალიბება

• მოსალოდნელი შედეგები

• წარმატების კრიტერიუმები

• დაშვებები და შეზღუდვები

• ძირითადი დაინტერესებული მხარეების გამოვლენა

• პროექტის ქარტიის (Charter) ძირითადი კომპონენტები

​პრაქტიკული სამუშაო: მიღებული დამატებითი ინფორმაციის საფუძველზე პროექტის ქარტიის შექმნა.

​

სესია 3 — როგორ განვსაზღვროთ პროექტის შინაარსი?

• მოთხოვნების გამოვლენა და დაზუსტება

• პროექტის შედეგების განსაზღვრა

• პროექტის შინაარსის ჩამოყალიბება

• რა შედის და რა არ შედის პროექტში

• სამუშაოს დაშლა მართვად ნაწილებად

• მიღების კრიტერიუმების განსაზღვრა

• პროექტის შინაარსის უკონტროლო ზრდის თავიდან აცილება

პრაქტიკული სამუშაო: პროექტის მოთხოვნებისა და შინაარსის დაზუსტება  და სამუშაოთა იერარქიული სტრუქტურის (WBS) შექმნა.

​

სესია 4 — როგორ დავგეგმოთ პროექტის ვადები?

• შესასრულებელი სამუშაოების განსაზღვრა

• სამუშაოების თანმიმდევრობა და დამოკიდებულებები

• სამუშაოების ხანგრძლივობის შეფასება

• საკვანძო ეტაპების განსაზღვრა

• პროექტის განრიგის შექმნა 

• განრიგის ვიზუალიზაცია

პრაქტიკული სამუშაო: შექმნილი WBS-ის საფუძველზე პროექტის განრიგის შემუშავება და ახალი შეზღუდვის გავლენის შეფასება.

​

სესია 5 — როგორ დავგეგმოთ და ვმართოთ პროექტის რესურსები?

• პროექტისთვის საჭირო ადამიანური, მატერიალური და სხვა რესურსები

• რესურსების საჭიროების შეფასება

• რესურსების ხელმისაწვდომობა და დატვირთვა

• როლებისა და პასუხისმგებლობების განაწილება

• პასუხისმგებლობების მატრიცა (RACI)

• რესურსული შეზღუდვების გავლენა პროექტზე

• გუნდის მუშაობის ძირითადი პრინციპები

პრაქტიკული სამუშაო: პროექტისთვის საჭირო რესურსებისა და პასუხისმგებლობების დაგეგმვა, RACI მატრიცის შექმნა და რესურსის ხელმისაწვდომობასთან დაკავშირებული ახალი შეზღუდვის პირობებში გეგმის გადახედვა.

​

სესია 6 — როგორ შევქმნათ და ვმართოთ პროექტის ბიუჯეტი?

• პროექტის ხარჯების შეფასება

• პროექტის ბიუჯეტის შედგენა

• გაუთვალისწინებელი ხარჯების რეზერვები

• ბიუჯეტური შეზღუდვები

• ბიუჯეტის, შინაარსის, ვადებისა და რესურსების ურთიერთკავშირი

პრაქტიკული სამუშაო: არსებული შინაარსის, განრიგისა და რესურსული გეგმის საფუძველზე პროექტის ბიუჯეტის მომზადება და ბიუჯეტური შეზღუდვის გავლენის შეფასება.

​

სესია 7 — როგორ ვმართოთ დაინტერესებული მხარეები და კომუნიკაცია?

• დაინტერესებული მხარეების გამოვლენა და ანალიზი

• ინტერესების, გავლენისა და მოლოდინების შეფასება

• ჩართულობის დაგეგმვა და მართვა

• პროექტში ინფორმაციის საჭიროების განსაზღვრა

• კომუნიკაციის არხები და პერიოდულობა

• ანგარიშგება გადაწყვეტილებების მხარდასაჭერად

• პროექტის მდგომარეობის ეფექტური კომუნიკაცია

• რთული კომუნიკაცია, უთანხმოება და მოლოდინების მართვა

პრაქტიკული სამუშაო: პროექტის დაინტერესებული მხარეებისა და კომუნიკაციის მიდგომის შემუშავება, პროექტში განვითარებულ რთულ საკომუნიკაციო სიტუაციაზე რეაგირება.

​

სესია 8 — როგორ ვმართოთ პროექტის რისკები?

• პროექტის რისკების გამოვლენა

• რისკების სწორად ჩამოყალიბება

• რისკის მიზეზი და შესაძლო შედეგი

• რისკის ალბათობისა და გავლენის შეფასება

• რისკების პრიორიტეტიზაცია

• რეაგირების გზების განსაზღვრა

• რისკზე პასუხისმგებელი პირის განსაზღვრა

• რეზერვები და საგანგებო მოქმედებები

• რისკების მონიტორინგი

პრაქტიკული სამუშაო: პროექტის რისკების რეესტრის შექმნა, რისკების შეფასება და რეაგირების დაგეგმვა. პროექტის განვითარებისას ახალი ინფორმაციის საფუძველზე რისკების გადახედვა და შესაბამისი მოქმედებების განსაზღვრა.

​

სესია 9 — როგორ ვმართოთ ხარისხი პროექტში?

• ხარისხის მოთხოვნების განსაზღვრა

• მიღების კრიტერიუმები

• ხარისხის დაგეგმვა

• ხარისხის უზრუნველყოფა

• ხარისხის კონტროლი

• ხარისხთან დაკავშირებული პრობლემების გამოვლენა და მართვა

პრაქტიკული სამუშაო: პროექტის ხარისხის მოთხოვნებისა და კონტროლის მიდგომის განსაზღვრა, შესრულების პროცესში გამოვლენილი ხარისხის პრობლემის შეფასება მიღების კრიტერიუმებთან მიმართებით.

​

სესია 10 — როგორ ვმართოთ შესყიდვები და მომწოდებლები?

• როდის სჭირდება პროექტს გარე შესყიდვა

• შესყიდვის საჭიროების განსაზღვრა

• მომწოდებლის შერჩევის კრიტერიუმები

• შეთავაზებების შეფასება

• ხელშეკრულებების ძირითადი ტიპები

• ხელშეკრულებასთან დაკავშირებული პროექტის რისკები

• მომწოდებლის მუშაობის მონიტორინგი და მართვა

პრაქტიკული სამუშაო: პროექტისთვის მომწოდებლის ვარიანტების შეფასება, არჩევანის დასაბუთება და შერჩეული მომწოდებლის მუშაობასთან დაკავშირებული პრობლემური სიტუაციის შეფასება და მართვა.

​

სესია 11 — როგორ ვაკონტროლოთ პროექტის შესრულება?

• პროექტის გეგმისა და ფაქტობრივი მდგომარეობის შედარება

• შინაარსის, ვადების, ბიუჯეტის, რესურსების, ხარისხისა და რისკების კონტროლი

• გადახრების აღმოჩენა და ანალიზი

• საკვანძო მაჩვენებლები და ეტაპები

• გამოსასწორებელი მოქმედებების განსაზღვრა

პრაქტიკული სამუშაო: პროექტის გეგმისა და მიღებული ფაქტობრივი მონაცემების შედარება, გადახრებისა და მათი მიზეზების შეფასება, შემდგომი მოქმედებების განსაზღვრა.

​

სესია 12 — როგორ ვმართოთ ცვლილებები პროექტში?

• რა ითვლება პროექტის ცვლილებად

• ცვლილების მოთხოვნის მიღება და შეფასება

• ცვლილების გავლენის ანალიზი

• შესაძლო ვარიანტებისა და კომპრომისების შეფასება

• ცვლილების შეთანხმება და დამტკიცება

• ცვლილებების კონტროლი

პრაქტიკული სამუშაო: პროექტში მიღებული მნიშვნელოვანი ცვლილების მოთხოვნის გავლენის შეფასება შინაარსზე, ვადებზე, ბიუჯეტზე, რესურსებზე, რისკებსა და დაინტერესებულ მხარეებზე; შესაძლო ვარიანტების შედარება და რეკომენდაციის დასაბუთება.

​

სესია 13 — როგორ გამოვიყენოთ Agile (Scrum) პროექტის მართვაში?

• როდის არის Agile მიდგომა მიზანშეწონილი

• Agile-ის ძირითადი პრინციპები

• Scrum-ის ძირითადი პასუხისმგებლობები

• Scrum-ის ძირითადი მოვლენები (Events) და არტეფაქტები (Artifacts)

• მიდგომის პროექტის საჭიროებებზე მორგება

პრაქტიკული სამუშაო: მიმდინარე პროექტის კონკრეტული ნაწილის შეფასება Agile/Scrum მიდგომის გამოყენების მიზანშეწონილობის თვალსაზრისით და შესაბამისი სამუშაო მიდგომის შემუშავება.

​

სესია 14 — როგორ ვმართოთ პროექტი რთულ სიტუაციაში და მივიყვანოთ შედეგამდე?

• პროექტის სხვადასხვა ასპექტის ერთიანად დანახვა

• შინაარსის, დროის, ბიუჯეტის, რესურსების, ხარისხისა და რისკების ურთიერთკავშირი

• რამდენიმე ერთდროული პრობლემის შეფასება

• პრიორიტეტების განსაზღვრა

• შესაძლო ვარიანტებისა და კომპრომისების შეფასება

• გადაწყვეტილებების მიღება და დასაბუთება

• საკითხების შესაბამის დონეზე გატანა

• პროექტის შედეგების მიღება და გადაბარება

• პროექტის დასრულება

• პროექტის შედეგების, შექმნილი ღირებულების, მდგრადობის ასპექტებისა და საერთო წარმატების შეფასება

• მიღებული გამოცდილების შეჯამება

პრაქტიკული სამუშაო: 13 სესიის განმავლობაში განვითარებული პროექტის საბოლოო მდგომარეობის ერთიანად შეფასება, რამდენიმე ერთდროული საკითხის პრიორიტეტიზაცია, შესაძლო მოქმედებებისა და კომპრომისების შეფასება, გადაწყვეტილებების მიღება და დასაბუთება, პროექტის დასრულება და მიღებული შედეგებისა და გამოცდილების შეჯამება.

​

​

 

პროგრამის ფორმატი

​​

• 14 ონლაინ შეხვედრა | 38 საათი

• ერთი განვითარებადი სიმულირებული პროექტი მთელი პროგრამის განმავლობაში

• პრაქტიკული მუშაობა და გადაწყვეტილებების მიღება ყველა სესიაზე

• AI ინსტრუმენტების გამოყენება პრაქტიკული მუშაობის პროცესში

• უკუკავშირი შესრულებულ სამუშაოსა და მიღებულ გადაწყვეტილებებზე

• სასწავლო მასალები: თემატური რიდერები, პროექტის შაბლონები და სიმულაციის მასალები

• მცირე ჯგუფი

​

​​

​

ტრენერი

ქრისტინე ნაჭყებია, PMP®, PMI-ACP®

​

პროექტებისა და პროგრამების მართვის პროფესიონალი მრავალწლიანი საერთაშორისო გამოცდილებით.

PMP® (2016) და PMI-ACP® (2023) სერტიფიცირებული.

იხილეთ დეტალური ინფორმაცია აქ. 

​​

​​პროგრამის დაწყება:

19 ოქტომბერი

ფასი: 950 ლარი

​​

​

რეგისტრაციის შემდეგ მიიღებთ ინფორმაციას პროგრამის განრიგისა და შემდგომი ნაბიჯების შესახებ.